好開心好期待好興奮!
好開心好期待好興奮!
好開心好期待好興奮!
真係勁勁勁開心所以要講3次!!!
每次小寶們去旅行媽媽應該會係都最期待果個
因為除左可以每日24小時貼身痴實佢哋
仲可以一齊發掘新鮮事！ LET'S GO~~~
每次小寶們去旅行媽媽應該會係都最期待果個
因為除左可以每日24小時貼身痴實佢哋
仲可以一齊發掘新鮮事！ LET'S GO~~~
當日06:00起身 梳洗換衫 再檢查一下行李
由於出發前一晚喺facebook同大家直播執行李都check過一次
所以第二朝執埋自己d skincare已經搞掂哂
07:00 出門口 08:00前已經到達機場
搭10:20嘅飛機 時間非常充裕 免卻急急趕趕嘅論盡情況
重溫: Facebook 直播執行李
之前用開嘅大喼拎咗去整
最近識到創業媽 Eugena 知道佢開咗間租喼服務嘅公司
今次決定試吓
有關價錢同細節大家可以click去睇睇 : JoGeep 租喼
另外今次試租第二間wifi蛋試試: 爽WIFI
連接簡單 網絡都keep住好暢順 都係可以喺機場借機還機
預早咁多出門口就係想歎個慢版早餐先上機
之前咁多次都係唸住快快過咗關先去食
但如想食翠華
裡面food court成日都好多人 湊住兩個又唔易搵位
所以今次過關前就上二樓
8點幾仲未有好多人 唔洗等位
呢間翠華唔係自助式 有服務員落單送餐
湊住小朋友的話我覺得會方便d
哥哥自己一個餐 細佬都食哂成碗通粉同個包 都差唔多KO成個餐
哥哥而家知道影相係記錄生活嘅一部份
自己識話影完記錄咗大個仔可以睇返
所以會好定咁影相 (都係一時時咋^^)
細佬仔就無時停 古靈精怪 周圍走
啱啱先食完早餐 出到去見到Pancake又話想食 為食豬仔
食完施施然先入閘
見仲有時間就去咗The Wing睇飛機
哥哥睇咗一陣又沉醉喺佢嘅記憶遊戲
其實我都覺得Flash Pad係幾好玩 我都要Train吓自己d記憶同反應
上機前一定要預d 時間比兩兄弟睇飛機
哥哥好鍾意睇點load行李, 入油, 工程車同其他工作人員嘅工作情況
指定動作 See You Hong Kong!
上到機哥哥都好合作 食飯睇卡通瞓覺休息一陣就到
搞到媽咪一身汗兼一頭煙嘅就係呢個細佬B啦
上次暑假去台灣坐飛機時已經開始坐唔定
我已有心理準備 帶定法寶 接受今次嘅挑戰
首先 細佬好鍾意食包包
所係第一招係可以頂到好一陣子
未起飛前都好專注食包同睇卡通
起飛之後就開始媽咪邊畫畫邊點唱時間
註: 細佬歲半, 起飛降落時媽咪要抱住一齊坐 (Baby seat belt attached)
起飛後安全帶燈熄咗就可以自己坐返
畫完畫唱完歌抱咗一陣終於瞓著
上半場尚算順利
唸住起碼可以休息返個幾鐘好快就落機
點知細佬瞓咗唔夠30分鐘就醒咗
下半場嘅挑戰十分精彩
細佬仔唔肯坐定定
媽咪出動哂果蓉果汁, 餅乾, 藍莓, 士多啤梨, 乾果, 睇圖書都頂到一陣
之後就開始帶佢去Door 2 Gallery 出面遊走
周圍指吓講吓又返位坐一陣 不斷重覆到Landing
雖然疲累 但細佬總算全程都係開心BB無扭計
經過3個鐘頭10分鐘嘅航程 終於黎到大阪啦!
一到埗即刻開WIFI
哥哥未瞓夠就要落機 變咗呆豬仔
最貌合神離合照一張
哥哥鐘意踢波 所以呢個燈箱就吸引咗佢停落黎
細佬仔可能已經明白到咩叫去旅行
所以特別興奮 特別唔願瞓
雖然係有d攰 但媽咪陪住你一齊經歷 望見你開心就開心啦
今次我哋選擇咗大阪梅田嘅希爾頓酒店
由機場到酒店約需一個鐘車程
相片取自酒店網頁
相片取自酒店網頁
由地圖已經睇到 酒店附近有好多好多百貨店(Department Store)
真係好邪惡.......
相片取自酒店網頁
由機場到酒店 : 按此
今次入住32樓 有城市靚景睇
King size 床可以同哥哥一齊瞓 另請酒店安排BB床比細佬
洗手間 浴室
細佬 你想打電話比邊個呢?
安頓好行李 一家快速沖涼換衫後已到食飯時間
最方便就係落酒店三樓嘅日本料理食晚餐
(因為媽咪有私心 想快快食完把握時間行街^.^)
相片取自酒店網頁
由於午餐喺飛機掛住照顧細佬都唔記得自己無食lunch
所以就算提早食飯都非常之好胃口
爸爸點嘅刺身
兒童餐 海鮮斧飯
賣相同味道都好好 清清淡淡 唔會好濃味
兩個小寶對日本呢個地方都好好奇
哥哥第一次去一個佢聽唔明當地語言嘅國家旅行
不停不停問媽咪d 人同我哋講咩
兩兄弟成日都會模仿日文嘅發音
突然之間覺得哥哥大個仔咗
細佬仔又多野講咗 唔再係小baby果種感覺啦......
食完飯 可以出發行一陣街!
日本繁忙嘅車站
懐かしい.......
行過一個街口就係阪神百貨啦
百貨店8點就關門
返酒店安頓好兩個小寶瞓覺
大約9點半左右就同爸爸閃出去拍吓拖 (小寶有工人姐姐陪住)
重拾返10幾年前我哋兩個喺日本旅行, 拍拖嘅感覺
呢種二人世界嘅氣氛
好青蔥啊~~~~!
散完步我哋去咗居酒屋宵夜
我揀咗無酒精嘅啤酒 係香港真係10年都唔飲一次又凍又濕重嘅野呀^^
去旅行一於放縱一下啦
從前喺日本讀書 我都係最鍾意點炸豆腐同蕃茄
戰利品:
雖然只係極速行咗阪神百貨地下果層
已經買到心頭好 呵呵~~
包括有即買即用嘅輕便銀包
(話說我帶黎嘅旅行銀包太長, 旅行手袋太小所以裝唔落,
所以見到呢個超靚嘅銀包真係好開心呀!)
仲有靚靚茶杯, 手巾仔
藥局快逛嘅收穫有勁cute嘅Melody同Kitty髮夾
同埋肉色嘅雙眼皮膠貼
(講個秘密比大家聽: 我係會貼住雙眼皮膠貼瞓覺0架~~!
咁樣第二朝雙眼皮會firm好多0架^^
貼得日子有功 單眼皮或暗雙眼皮都真係可以貼出靚雙眼皮0架!!
貪靚嘅JM可以試吓呢~~)
溫馨提示:
而家去到日本大型百貨公司 通常都有旅客優惠
有d 就係用銀聯碌卡可以減5%
有d就出示Passport就可以有張減5%優惠卡
滿5000yen仲可以去辦理退稅手續
退完拎返cash又可以再買過 YEAH~~!!
第二日行程重點就係去環球影城
我會把握時間努力寫
下篇再續~~~~~~~
沒有留言:
張貼留言