聖誕遊台灣 之 溫泉酒店(新北投)

由宜蘭去到新北投 車程約90分鐘

預先約好租車公司 (呢間有得租Alphard)

專登安排好午飯後
飯氣攻心時出發

 一上車唔夠10分鐘全部都瞓哂

每次去台北我哋都鍾情溫泉酒店

因為浸溫泉比起shopping更緊要 

帶住小朋友遊台北

同自己去食玩買嘅旅遊模式都幾唔相同

所以會target搵一d 舒適度高嘅酒店

起碼一日放完電返黎都可以浸吓溫泉 Relax吓歎吓

住遠少少都無所謂

今次就揀咗就近新北投捷運站 

直頭喺個站對面嘅老爺酒店

出發前睇過好多文章介紹好評度相當高

因此沿路黎都滿懷期望

到達後整體感覺尚算不錯 亦有些少失望的地方

先帶大家參觀一下酒店房

酒店套房: 一入門口就有個大廳 

房間內有YANKEE CANDEL 嘅熱能香薰座 散出淡淡嘅香味

但我有自備香薰機殺菌擴香 所以我無用到 用咗呢個位插自己果部香薰機

另外亦有咖啡機 可以用SNACK BAR嘅咖啡粒整咖啡飲

Snack Bar嘅咖啡粒粒每日都會Refill

 好闊落嘅衣帽間同洗手間

好似去左日本咁 一坐落去暖笠笠 仲有得洗Patpat

 最期待嘅溫泉池 

一邊一開出黎就係溫泉

一邊係普通水 

鍾意嘅話可以一邊溫泉水一邊開冷水

兩邊交替浸吓
爽爽爽!!

值得一提嘅係張床除左有輕微震動按摩功能

仲可以將床背床腳升高降低

瞓喺度歎電視最舒服

唔洗好似平時咁攝幾個枕頭都搵唔到最舒服果個位

兩父子第一時間試玩

發覺升高少少好方便早晚餵細佬

個位勁舒服

夜晚羲穎瞓咗我哋歎電視歎到瞓著

真係放假嘅至高境界.....(笑)

酒店整體都係新淨 舒適 係好住嘅

唯一美中不足嘅係某部份接待員 

態度看似有善 但皮笑肉不笑

幾天下來 經歷了好幾個事件

感覺少了點親切 多了一份冷漠

有可能是宜蘭那家酒店的哥哥姐姐都太親切吧

所以差別比較大......

但整體水準都算唔錯嘅!

去到市區 其中最令羲廷興奮嘅節目之一就係坐捷運啦!

由細細個開始  佢對所有交通工具都非常有興趣

由新北投站到北投站嘅列車車身全部都係彩色印畫 

好有渡假嘅氣氛

羲廷一歲時黎過 但應該無咩印象

等我搵日得閒搵返之前D相出黎對照一下先

  

哥哥對身邊嘅所有事都好有興趣

亦鍾意打爛沙盆問到"督"

就好似呢蝠畫就係想表達有邊一類人需要大家讓座

我會慢慢解釋比佢聽

再入到車箱如有實例就可以叫佢留意一下加深記憶

如是者 羲廷每見到一幅畫 標誌 告示牌等等佢都會問

仲會要你解釋到佢明白為止

結果媽咪就好似導賞員上身咁全日不停解答問題

雖然有時把口講野講到真係幾攰

但見到羲廷認真投入生活 

邊玩邊學又鍾意觀察身邊嘅大小事

媽媽其實覺得好開心就真!

細佬仔羲穎每逢入車廂就相當好奇又興奮

最鍾意捉住扶手玩體操咁

值得一提

捷運嘅關愛座真心充滿關愛

無論車箱幾多人幾滿座

關愛座總係留返比有需要嘅乘客坐

每一次一入車箱 大家見到我哋抱住羲穎

又無其他長者或有需要人士在場

佢地一定第一時間讓路比我哋行去關愛座坐低

有一程仲有一個65歲伯伯同一個87歲伯伯爭住讓位比我

話我抱住BB企又危險又辛苦

推推讓讓好一陣子

最後結果當然大家都讓87歲果位伯伯坐低

我即刻拎條HIPSEAT出黎揹返細佬

等佢哋兩位佰伯都覺得安全D 

又其實過多兩個站有人落車 大家都有得坐lu

鬧哄哄一輪 大家都忍唔住相視而笑

感覺搞笑得黎又幾溫暖

哥哥見證住呢一幕 之後不停問我點解伯伯最老但要讓位比媽媽同細佬

其實 羲廷每一日考驗緊媽媽嘅腦筋 轉數 同解答問題嘅能力

哥哥 希望到媽媽老咗

會同一條問題問你80次嘅時候

你會好似媽媽咁有耐性答我嗎?

送上絕密溫泉照一張 ! *3*

祝大家有個愉快週末^^