聖誕遊台灣 之 LEGO餐廳

黎到台北 

唔行夜市唔掃街唔行街買衫同無時間做文青

主力陪玩

咁究竟有咩啱羲廷羲穎玩呢?

第一站我哋去左位於小巨蛋嘅LEGO餐廳

小朋友可以邊食邊玩LEGO

餐廳供應輕宜簡單嘅小食 全部都係兒童餐嘅份量

如果午飯時間黎

大人可以陪小朋友食少少 之後再去第二度食下午茶

因為市區街邊四周圍都有野食 唔怕會餓親

飯團 (有d凍同硬 唔太建議叫呢個)

Pizza (味道ok 小朋友應該會幾like)

LEGO形啫喱

仲有LEGO餐具

仲有其他選擇如意粉, 三文治等

建議下午茶時段黎可能更加適合

因為食物嘅選擇不算多

食完午飯同小朋友黎玩

大人飲杯野坐吓會啱D

但要注意餐廳有每位最低消費 可以睇返餐廳嘅告示

每個小朋友都可以拎個LEGO盒去裝LEGO返檯到玩

詬說小時候連續好多年嘅聖誕節

 LEGO都係我最想收嘅聖誕禮物黎㗎!

黎到呢度 媽媽緊係唔執輸砌埋一份

呢兩個迷你兵係呢間餐廳嘅自創版本

幫襯開野食就可以加550台幣換購一款 共兩款

店員會即場比張教學圖教你砌

最好即時砌好佢先 

因為咁啱兩份裡頭嘅LEGO都唔齊

即場砌發現唔齊件就可以問店員補返

店內呢個白兵陣

夠哂搶鏡!

   

砌呀砌 唔覺唔覺都玩咗2個幾鐘

小朋友會好滿足

而呢D靜態嘅活動 

可以考慮一下大人無咩電嘅時候去玩

因為大家都會明白

同小朋友去旅行

尤其係同一D 

未識得享受放假可以瞓晏D果種幸福感嘅小朋友去旅行

全日陪玩分分鐘攰過返工

所以我哋夜晚一定要識得急叉神功 

要快速進入深層睡眠

同埋佢哋一瞓著 就把握時間快D瞓 唔好玩咁耐電話

因為

佢哋朝早會好準時 一個6點 一個7點就起身

準過鬧鐘

係你攰佢都未攰嘅情況之下

去LEGO餐廳

大家可以一齊靜靜哋咁砌吓傾吓思考吓

係一個唔錯嘅選擇