聖誕遊台灣 之 宜蘭羅東夜市

鍾意去台灣玩嘅其中一大原因

當然係因為有太多好野食!!

減肥呀戒口呀6點後唔好食野呀咸點唔好食太多呀等等等等

一去旅行通通都不適用 呵呵!

旅行 就係要放鬆心情吃喝玩樂嘛^^

到達宜蘭嘅第一晚等兩兄弟瞓咗覺之後

就由酒店坐的士去搵返少少屬於大人嘅自由時間

酒店嘅接待處一般都會好樂意幫你call車 

仲會同埋司機講清楚你想去嘅目的地

據知宜蘭有兩個夜市

就近晶英酒店有一個規模較小嘅

而另一個比較出名又比較旺嘅就係羅東夜市

(當然相比起台北果d 呢個都算BB班)

由酒店到羅東夜市大約20分鐘車程

車資少於300台幣

黎到羅東夜市  第一站必必必必試嘅一定係 三星蔥餅 ! 

宜蘭嘅三星蔥出名香甜而唔會有一般蔥果陣青澀味

平時我哋喺香港買菜撘棵蔥 

喺宜蘭嘅蔥就貴過菜 尤其係三星蔥

三星蔥比我哋香港見開嘅大棵好多 又長又粗

蔥有蔥味 好香嘅蔥味

坐車時見到路邊好多地方都有賣蔥嘅車仔攤

呢幅相就喺家樂福影 放咗包紙巾對比一下

勁多勁多蔥 少少肉 咸咸香香又有少少楜椒好惹味

食完之後好有決心返屋企整個AIR FRYER無油炸版蔥餅

成功咗再同大家分享

由於太肚餓又掛住同朋友仔傾計無影到好多相

上網搵左幾幅相比大家參考吓

網絡圖片

呢檔係最多人排隊又最新鮮熱辣即叫即做嘅攤口

三星蔥餅: 100台幣有3個

網絡圖片

睇到每個蔥餅個餡都係勁滿!

網絡圖片

趁熱食真係好正!

而家一邊打字一邊好回味 好想即刻食返個!

 
最愛嘅甜品時間
五穀紅麴包心粉圓 有紫米有紅豆等等有哂我最鍾意嘅甜品元素!

我哋幫襯咗呢間

網絡圖片: 羅東晶圓

網絡圖片: 紅麴包心粉圓

夜市仲有好多好多其他好野食
有豬肝湯 麻油雞湯 鹽酥雞 蚵仔煎等等
建議晚餐唔好食咁飽 一係早D食
唔係去到夜市掃唔到街㗎啦

除左食  夜市又有好多得意雜貨賣
雖然規模唔算大 都已經好心滿意足!

再見宜蘭  下一站台北~~