2016年10月25日 星期二

大阪親子遊 DAY 4 必到臨空城Premium Outlet Osaka

來到第四日 玩多半日就返屋企啦!
趁百貨公司10點鐘一開門就同咗細佬去逛逛
細佬仔有得行街街同媽咪一樣咁興奮
好多大百貨公司一出示護照就會減5%
然後買滿5000YEN再有8%退稅
真係幾抵
雖然時間短短40分鐘都已經買到心頭好 好開心!
食完午飯我哋就出發去行程嘅最後一站
臨空城Premium Outlet Osaka~!!!
好開心好期待好興奮!
好開心好期待好興奮!
好開心好期待好興奮!
太高興所以都要講三次~~~!!!

除左自己駕車
可選擇搭電車到了臨空城站(Rinku Town)
再步行大概十分鐘就會到令大人細路樂而忘返嘅: Premium outlet Osaka.
親子遊嘅尾站絕對可以建議加呢一站做必到之處
因為呢度係全大阪最大最多品牌嘅Outlet
Red Valentino,Ferragamo,Coach,Anna Sui,Zucca,LeCreuset,Beams等
呢度除咗有比媽咪們散財嘅Outlet
旁邊呢個SEACLE 購物商場 Rinku Pleasure Town係好啱媽咪同小朋友去㗎 
大家認住呢個名啦~
裡面除咗有大熱嘅西松屋 同其他品牌嘅童裝外
仲有兩個playroom比小朋友放電
1.Creative Park : 有WorkShop有得小型機動遊戲玩 適合唱歲以上嘅小朋友
2. The Yu Kids Playsystem:呢間係小寶PlayHouse 無記錯好似每小時收600Yen
 

呢個地方可以放吓兩兄弟嘅電




 準備好一陣上機食完飯就瞓

Seacle 商場行出去就係Rinku Premium Outlet 啦!
(媽媽雙眼即刻發光)
大阪府泉佐野市Rinku往來南3-28
郵編:598-8508
營業時間
10:00~20:00
休息日: 每年1次 2 月份的 第3個星期四

交通:
大家可以選擇一落機去血拼 或者係返港去機場前黎拼博一番
Rinku Outlet同機場只係一站之隔 
見網友們都建議先把自己行李寄存喺機場Locker 買完野返黎再整理行李
Locker 位置: 關西機場二樓麥當勞附近行李櫃 扶手電梯下面

由關西空港到Rinku Premium Outlets 的交通方式有幾種 
1.JR地鐵 (約5-10分鐘就到) 2.南海電鐵(約5-10分鐘就到) 
3.巴士(機場外12號乘車處,一人200円但時間難掌握D)
 
有關交通選擇: 按此
小寶有得放電 媽媽有得放肆地買 各有各滿足
媽媽亦唔洗擔心放低小寶去血拼會好有罪惡感。。。^^(YEAH~)
一齊玩完買完一家人仲可以 天荒地老流連在摩天輪~~

是日亮點:大小寶齊齊無電
多謝爸爸配合 等我可以臨上機前瘋狂買一轉
10分滿足!

四日三夜大阪之旅圓滿結束
返到香港要繼續努力工作
期待下次再出發(@^。^@)

遊記終於寫好哂 多謝收睇 歡迎分享!


2016年10月22日 星期六

大阪親子遊 DAY 3 OSAKA KIDS PLAZA +麵包超人館

DAY 3 活動繼續精彩
行程簡介: 大阪親子科學館 + 神戶麵包超人館 +心齋橋
希望帶羲廷同羲穎盡情體驗日本 盡情放電
帶住滿滿嘅精彩回憶返屋企

今日有咁多節目 要食飽飽先有力玩!
每次出門旅行 都會發現兩個小寶特別為食
細佬飲完自己杯奶奶 
去到CAFE都仲食得落兩個麵包,早餐穀物仲有少少芝士同乾果
媽媽爸爸見到佢哋食得咁開心 心都甜哂
 自己坐一個位同爸爸二人世界 好似好大個仔咁~

食飽飽出發咯!
由酒店坐15分鐘車 就到咗OSAKA KIDS PLAZA 
(就喺關西電視台隔離)
大家認住呢個門口就得啦
 
由於我哋一早就出發 所以唔洗排隊買飛
哥哥又提議一齊跳住影相
細佬仔未識跳 睇返相時原來見到佢好認真咁擺甫士
好搞笑^^
細佬仔開始識得問媽咪問題 佢會指住話:果個果個呀咁。。。
就係想你解釋面前嘅事情比佢聽
一入館我哋就搭𨋢上到5樓Discovery Floor
呢一層有唔同嘅探秘區域: 科學,自然,文族文化,社會等等
每一個區域都有大小朋友可以落手落腳體驗嘅環節
簡單易明嘅媽咪都仲搞得掂
有關深入少少理論嘅就交比爸爸
睇住兩兄弟嘅反應同應對  媽媽係覺得有驚喜嘅
因為見到細佬原來對陌生嘅語言都好易接受
無話因為聽唔明就顯得好抗拒或者變得怕醜
佢會主動同工作人員有交流 又會自己四圍去探索新事物
哥哥就好興奮咁發掘每個展館嘅體驗
 
佢鍾意自己先嘗試 再發問
或是有新發現或體驗 佢會急不及待同媽媽講
而每一次媽媽都會好期待佢嘅分享
細佬仔黎咗兩日旅行唔再係怕醜BB
兩個語言不通嘅小寶 各自各講BB話
可能喺BB嘅世界 會唔會係有共通嘅語言嘅呢?
跟住簡單嘅步驟 細佬都可以坐定定完成
 
仲同媽媽有傾有講
跟住我哋轉戰跑步徑
測下大家時測跑幾多公里
每人跑咗幾轉都唔滿意成績
跑完對照返個表又再跑過
因為羲廷哥哥話想跑得快過豬仔嘅速度
落下一層次之前
我同哥哥去挑戰吊橋
呢個環節見到哥哥比較小心同緊張 
佢一向都幾怕呢類形嘅玩點
但佢依然肯踏出嘗試 
其實媽媽心裡面係有點安慰 起碼佢無覺得怕就掉頭走
於是媽媽就係後面一邊慢慢一步一步跟住 
唔想動作太快令條橋會搖得太厲害
一邊用聲音陪住哥哥 
最後順利完成 哥哥自己好似都覺得克服咗一D平時唔鍾意做嘅事而開心
仲話想即刻行多次添!


落到四樓
呢層係Adventure Floor : 有圖書館,有體驗廚房,有工作坊,仲有小寶寶專屬嘅遊玩區
呢條叫Kids Street
比小朋友模擬買餸
每人排隊拎一個藍 每人限選4樣物品
細佬一見到橙同麵包就放哂落個藍
媽媽要話比佢聽一次唔需要拎太多 每樣有一個就夠啦^^
哥哥真係會好認真咁揀佢鍾意嘅野
 每樣物件嘅像真度都好高 有水果有蔬菜有包裝食物有新鮮食品等等
揀完就排隊比錢自己學習做收銀員 
Scan Barcode同睇吓幾多錢
哥哥平時成日同媽咪去超市已經時閩都話好想自己過機
 
今次可以用兒童版試吓
 
跟住隔離就有唔同嘅counter比小朋友體驗一下唔同嘅食店會點招呼人客
 
哥哥自己最鍾意食烏冬 所以一坐落烏冬店好似好熟手咁
再隔離就有一個Area好似台灣嘅BabyBoss咁有唔同嘅職業體驗
 
果日我哋都算早開始玩 所以唔算多人
每個體驗都可以玩到
其中哥哥話印象最深刻嘅就係試做郵差叔叔
換好衫後伯伯會分發每人一張地圖同一堆信件
小朋友就要搵返相應嘅地方完成派信嘅工作
地圖
每搵到一個都好有成功感
 
媽媽同哥哥講過平日真正嘅郵差叔叔喺無冷氣嘅地方
揹住比你個袋重幾十倍嘅信件 每天工作一段長時間好辛苦
 
返到香港 哥哥原來會記得
喺信箱範圍見到真。郵差叔叔嘅時候同叔叔講唔該哂
同埋最搞笑就係問:你個袋係咪好重㗎?
呢度係Party Kitchen可以學查野食
 買飛嘅時候有得預約埋上堂嘅時間
上堂情況
要留意: 上堂前30分鐘就停止預約㗎啦 每日得兩班
層與層之都裝修成一間遊戲屋咁
淨係玩呢度都夠哂放電
接住呢一Part 媽媽同哥哥都有幾深嘅感受
因為平日行街或搭車 都會見到有傷健人士坐輪椅
哥哥都會問一連串嘅問題
呢一度就係比小朋友體驗行動不便需要輪椅輔助係一回咩事
 
哥哥完成體驗同媽媽講 原來操作兩個車輪要好多力
如果第時喺街見到有人需要幫手就幫手推啦
同埋搭車見到輪椅乘客可以幫吓手,或者讓佢哋落車先等等
有貼地確切嘅體驗 小朋友嘅印象真係會深刻好多
勝過憑空解釋又解釋
就算係小小5-10分鐘嘅體驗 都非常有價值
 黎到3樓 Creativity Floor 有好幾個Workshop可以上
建議一早睇定想上咩堂 排左隊上先慢慢玩其他野
 
左: 自己接駁電路玩火車應該係男生最愛
右:呢個科學workshop啱大個少少嘅小寶玩
呢個平衡遊戲都好好玩
要留意住船嘅重量 唔好比佢偏埋一邊
可以做出唔同嘅動作去平衡船身
 
我唸無論男女小寶都一定會好鍾意呢個Kids Plaza
爸爸媽媽陪住佢哋邊玩邊體驗唔同嘅新事物絕對係樂趣嘅一種

 
玩咗成朝好肚餓啦!
 
從前留學時已經好鍾意食日本嘅Pasta
無論汁,配料,意粉口感都係屬於日本嘅味道
懐かしいなぁ。。。

細佬仔愈黎愈老積
聽到媽媽話小心熱呀  細細啖先 佢就會嘟起個嘴呼呼呼~~~
Pancake 同 Tiramisu 吃咗先算啦 返香港慢慢還啦@@

我哋選擇咗喺新幹線站附近食午飯
所以飯後行5分鐘就到車站啦
其實今次黎日本其中一樣最想做嘅就係帶兩兄弟,尤其係哥哥坐新幹線
兩個細細個開始玩火車,睇火車嘅書,爸爸出差日本又會影好多新幹線嘅影片比佢哋睇
哥哥成日都會問幾時可以睇吓日本火車
今次終於可以如願以償!
 
兩個都未出發先興奮

  
見到佢哋咁開心 我都不自覺得心情超級好 就係咁簡單

準備由大阪出發去神戶啦!
對上一次坐新幹線都成士一,二年前啦
上車啦~
哥哥一本正經研究路線
細佬就坐唔定周圍行
 
唯有帶咗佢去車卡位睇風景 同埋周圍八掛一下

坐咗15分鐘就到咗神戶
雖然今次只係坐咗一個短路程
但一家每個都好滿足呢!

點解我哋會黎神戶嘅呢?
登登。。。就係帶小寶黎麵包超人遊樂館啦!
 
睇相就知 淨係呢份入場小禮物都已經氹到兩兄弟咁開心
 
小朋友嘅快樂真係黎得好直接,簡單
可能因為係星期日 場館非常熱鬧
 
咁啱喺我哋入場時樓下一層有萬聖節Cat Walk


睇兩兄弟嘅表情就知無黎錯地方 哈哈!
玩完室內遊戲就出去坐摩天輪
好美的風景
神戶港

戶外仲有幾樣比小朋友玩嘅活動
有船仔,有火車,有水上泡泡球
其實我同哥哥都好想好想坐小火車 但人龍實在太長
 排玩船仔都需時間35-40分鐘
要有心理準備啊

玩完就點程返大阪心齋橋附近食晚餐
今晚選擇咗呢間過百年老店食烏冬,蕎麥麵
單睇門面已經好有「阿信的故事」feel呀~~

 にし家 本店 大阪
 
 影咗地圖比大家睇
就喺心齋橋大街嘅內街 都唔算難搵㗎
最怕夜媽媽寫BLOG寫到食呢一Part。。。。
睇住D野食 唸返起D味道 個肚打哂鼓
豆腐沙律
一個晚餐盒有幾層美食 好地道嘅感覺



(寫寫吓都真係忍唔住走咗去煮個自家製烏冬。。。。哈哈)
食飽飽 散吓步
細佬行行吓停咗落黎話比媽媽聽有花花

十幾年前嘅自己 確係有想像過