即興澳門遊 DAY 2

每次出遊羲廷都會期待酒店嘅自助早餐

原因好簡單: 

就係可以食到平時喺屋企好少食嘅甜麵包

  

行政樓層食早餐嘅地方唔算大

野食選擇都唔算多 但都算精緻 食得飽嘅^^

 

有各種麵包, 沙律BAR 

有奄列 各款蛋類 即叫即整

仲有白粥 蟹肉粥 可配油炸鬼, 蔥, 炸菜等等佐料

 

仲有熱辣辣蒸籠點心, 炒麵

仲有Cereal bar

凍櫃有鮮奶 豆漿 乳酪 水

果汁

如小朋友食cereal又唔想飲凍奶或豆漿

可以麻煩職員幫手坐暖再加cereals

 

 呢度嘅沙律種類唔算多 好彩尚算有d 乾果類做伴碟

白粥酒炸鬼多蔥幾好味 粥再熱D會好D 

 

早餐嘅地方唔算太多位 有十張檯左右 好天氣時坐室外雅座應該幾好FEEL

  

羲穎食得最開心 1歲之後多咗好多選擇 

講到baby-friendly 都仲有D提意見嘅空間

例如酒店提供嘅陶瓷BB餐具較重及易打爛 媽媽們可自備小寶嘅用具

如果有多幾款蒸烚嘅蔬菜選擇會更完美 e.g 烚番薯,薯仔, 粟米, 甘荀, 青瓜等

唔一定嘯只啱小寶食 從成人長者嘅健康角度考慮都好合適!

 

 食完早餐返上房 羲廷話要玩牛牛露營

於是佢分配咗唔同嘅角色比我同羲穎 

就係媽咪牛牛同細佬牛牛

 

 細佬起勢不停爬 睇少一秒已經轉哂POSE或者爬咗去第二度啦

後來導演都加入一齊玩 角色係哥哥牛牛

兩隻牛牛講牛牛話 用杯飲水同以糖代草

夠哂IN.... *0*

細佬係旁邊睇到卡卡笑 走入黎攬住媽咪

咦.... 咪住先.....

羲穎 媽咪呢一身嘅造型係咪令你有D肚餓.....~@^.^@~

肚餓就去食飯啦!

行咗過去百老匯大街 有好多餐廳好多選擇

 

擔仔麵 魯肉飯 魯水豆腐 紅燒排骨 

都係最愛魯肉飯!

  

食完午飯去最重要嘅行程之一當然要去放電

(呢張相係前一日影)

一聽到有得去Playroom 兩個興奮到攬埋一齊 

(註: 羲穎應該係被攬埋一齊 *3*)

 

細佬對繩網似乎好有興趣

 

自己扶住一步一步又出又入又前又後 行黎行去

 

 媽咪 發現鏡頭!

1歲大個仔啦!

 

有個小型波波池

 

之前有睇台灣之旅都知道細佬好鍾意爬柱

呢一條當然都唔會放過.....

 

舒服到細佬差唔多瞓著嘅Sling

 

仲有好大張吹氣床 亂跳放題

playroom 定時仲會有d 集體小遊戲比各位小朋友參加

嬴咗仲有小禮物做獎勵㗎~

 跳足玩足兩個鐘

大家都要返房抖抖

又可以去Lounge度食下午茶

無錯 又食......

我知.... 我會努力跑步找返條數 @.@

<再續>