即興澳門遊 DAY 1

今個新年我同爸爸都決定留港渡歲

所以1月尾我哋揀咗個weekend去趟澳門逛逛

   羲廷一聽到有得坐船 興奮又期待

每日放學返黎都問我仲有幾多日出發

放學返黎見到我哋執緊衫同行李又問係咪而家要出門口

因為每次出發去旅行

佢都要自己準備想帶嘅玩具 紙筆等等

所以佢話要時間執"行李"喎^^

去到買船飛嘅櫃位 一本正經咁同姐姐講去邊 要幾多張飛

尖沙咀中港碼頭雖然無咁多班次 

但預啱哂時間的話其實尖沙咀都幾方便

一上到船哥哥就專心食野同埋同公公婆婆傾計

羲穎就8掛豬周圍望 

 

到左澳門碼頭 已經見到酒店好細心咁安排咗職員接應

一出閘就見到大大部ipad寫住爸爸個名 

 

沿路去酒店途中羲廷不停同職員姐姐傾計 

一入到房見到兩個帳幕即時興奮大叫: 呢度可以Camping呀!! 

兩個帳幕 羲廷羲穎一人一個唔洗爭

雖然細佬都有BB床 但平時都可以喺帳幕度玩吓

今次入住嘅係雙房套房 呢個係客廳

大套房

 小套房: 有兩張雙人床 獨立浴室洗手間

窗外望見GALAXY全景

見到上次黎玩水嘅大運河

帳幕內好貼心咁準備好小朋友浴袍 沐浴用品包 勁舒服嘅牛牛被同一個小玩偶

 

仲有小朋友最LIKE嘅Welcome dessert and fruits

細佬仔未食得住都開心埋一份

 除左野食 仲有兩份畫紙畫筆比小朋友畫畫填顏色

 

呢個浴室超級大 按摩浴池喺正中間 一邊坐廁一邊淋浴

 

為小朋友準備左浸浴嘅好朋友 -- 黃色小鴨鴨

  

有小朋友牙刷   圖右係酒店特別版廚房造型小鴨

為羲穎準備嘅浴盆 可以喺淋浴室幫細佬沖涼

浴室連住衣帽間 (右手邊門口入去)

開檯打麻雀都仲夠 *0*

酒店嘅Mascot 一個新年look 一個廚師look

帳幕裡面嘅設計都好認真 有指南針又有夜明燈

細佬仔四圍爬 爬出又爬入 自己笑到卡卡聲

雖然未行得穩 酒店四圍有地毯 就大膽比佢試多幾步

行到幾步自己都勁開心

睇到媽媽心都甜到漏^3^

晚飯後返黎羲廷第一時間話要沖涼 (好少可... 哈哈!)

 

細佬沖完可以JOIN埋哥哥一齊玩

每逢外遊 羲廷好似都零舍懂事

自己自動波擔凳仔刷牙洗面 有板有眼

  

洗完白白舒舒服服享受佢嘅befor-bed-time : 畫吓畫睇吓戲

 

瞓覺時搬返兩個帳幕返睡房 細佬就瞓返bb床

呢度仲有好多野好玩好食 留待瞓醒逐一發掘

GOOD NIGHT

下篇再續

P.S 呢幅係返香港之後

羲廷同爸爸一齊畫返酒店間房出黎 

大家睇得明個佈局嗎? ^.^