真.住家菜 新春好好素

 新年團拜 大食會 蘿蔔糕 年糕 BBQ

食量可能係平日嘅兩倍

但食蔬菜嘅量一定少之又少

放幾日年假 一日肥一磅

一D都唔誇張

所以如果有時間喺屋企煮飯

不如食返多d菜食得清淡少少

平衡一下

而家真係多咗好多素食選擇

無論係想清淡定係想減肥定係因為宗教信仰或習俗

都唔會怕悶呀

細細個過年嘅時候總會好期待Daddy親自下廚煮返幾味

大個女緊係要輪到我煮返比佢哋食啦

今日初三繼續"找素"

 

                           韓式燒醬焗素雞搥                   澳洲小椰菜蒟蒻炒素肉碎                        

  

        素雞搥包裝係寫住素豆卷  

呢枝就係用黎醃雞搥嘅韓式BBQ醬, 素蠔油

 

解凍後用BBQ醬, 素蠔油, 紹興酒, 胡椒粉醃素雞搥30分鍾

預熱焗爐180度  入爐焗10分鐘 反轉再搽一層醬

焗多5分鐘就OK啦

澳洲小椰菜蒟蒻炒素肉碎

材料: 洋蔥 甘荀絲 薯仔絲 蕃薯絲 蒟蒻條 小椰菜 素肉碎

今次用咗蘇太名醬嘅柑桔醬去炒 酸酸甜甜好開胃

大家都可以試吓用醬面嘅油去起鑊 成個味道會更惹味

薑蒜起鑊 加洋蔥爆香

再加甘荀絲 薯仔絲 蕃薯絲炒勻

待薯仔絲等等差不多熟透就可以加小椰菜

加鹽麴 味琳 料理酒 麻油 蘇太柑桔醬

下一步加蒟蒻條炒兩炒

素肉碎解凍後加入多炒幾分鐘 (可加可不加)

就可以上碟啦

一人一大碟 唔洗食飯都夠哂lu 

記得加蒟蒻條 會更有層次更有飽足感

搵唔到蒟蒻條可以試吓加芋絲都得㗎!

以上嘅醬料, 素肉碎, 素雞搥都可以喺GREEN COMMON搵到^^