冬天食煲仔飯
除咗係指定動作
仲係一個小小情意結
記得同老公拍拖時
就算天寒地凍 夜媽媽都會專登出街去搵煲仔飯食做宵夜
凍冰冰都仲揀坐室外嘅檯坐
一份好青蔥嘅小浪漫
所以某一日
突然收到Order
老公話好想好想好想食煲仔飯
緊係要即刻好好準備!
我最鍾意食肉餅煲仔飯
但如配臘腸的話 排骨先係好拍檔
今次試咗奇華嘅膶腸同臘腸
唔太肥唔太瘦
一向唔太食膶腸嘅我都覺得OK喎
臘腸打斜切片 備用
排骨用鹽麴, 原糖, 麻油, 料理酒, 粟粉, 油醃最少30分鐘
米與水比例為 1:1
就算用紅米糙米等都唔需要多加水
因為排骨有肉汁流出
鐵鑄鍋鎖水功能亦非常好
所以要保持米飯爽口 不宜加太多水
量好米:水比例
加蓋中火煮至有魚眼泡泡 有蒸氣出
開蓋邊煮邊搞拌
膶腸臘腸放飯面
加蓋以中小火煮8分鐘
加排骨後蓋上蓋 開中火至有蒸氣冒出
轉小火慢煮10-15分鐘
視乎排骨多小 材料多的話時間需要長一點
熄火前加蔥粒 蓋上蓋30秒後熄火焗10分鐘
熱辣辣香噴噴 隔住個mon都聞到好香呀^^
搞到而家夜晚11點幾邊打字邊FEEL到好肚餓添.....
甜豉油加埋濃香嘅黑麻油 好正呀!!
結果係一鍋唔夠 要即刻再煲多煲白飯撈埋先夠食
真係好捧場喎~~~^^
下次要用個26CM大鍋先得啦!
仲有脆卜卜飯焦添!
不過今次拿捏得未如理想
唔可以一大塊咁起出黎
下次再接再勵!
沒有留言:
張貼留言