去台北玩
除咗動物園同貓空纜車
最啱同小朋友去嘅一定係呢個BabyBoss職業體驗任意城
可以比佢哋去體驗唔同嘅職業
每做完一份工都會有糧出 (代用卷)
臨離開之前可以買返自己鍾意嘅紀念品
好 講吓點去先
第一日我哋遊完小巨蛋
唸住一邊逛吓街行過去
但行咗好遠先到
第二日搭捷運到中山站搭的士去好快就到
Babyboss 就係喺京華城裡面
未到營業時間閘口已經排哂長龍
因為每一個職業都每一節都有限人數 (約10-15位)
有好幾個特別好玩又受歡迎嘅職業
如警察 消防員 救護員 機師等等
一定長期滿額
所以大家都會趁一開場就拔足狂奔到目標地點
先排最難排嘅項目
而每到項目完成嘅時候
就會見到各爸媽搶住要先接自己嘅小朋友
然後再奔跑去下一個心儀嘅職業果度排隊
由於每個項目都一定要小朋友自己排
每次排隊時間由20分鐘到50分鐘不等
除左去洗手間之外唔可以走開
要乖乖坐定定排
大個少少嘅小朋友會比較有耐性同明白要玩就要排隊
眼見其他年齡較少嘅小朋友
都會等到唔耐煩 會坐唔定 會扭計
所以爸媽們要有心理準備
呢幅就係裡面嘅地圖
想準備得好d 就可以入網頁再睇多d
記得細心留意每個職業每一節嘅時間 再作安排
每個職業都會有相關嘅資訊同體驗
仲會好細心安排影相位比各位家長
羲廷分別做左太空人
機師
救護員
有模擬受傷處理
仲有得坐救護車添 好迫真
仲做左小廚師學整PIZZA
著上全副裝備 認真學習
上PIZZA班交$50代幣 (定$35 失憶症發作添**)
即是你之前要先去做其他職業
賺到錢之後先可以玩到呢一個項目
整完之後好有成功感 塊PIZZA都特別好味
仲做咗木工學徒 學砌張櫈 個個小朋友都有板有眼
玩完呢幾個都已經好攰
爸爸媽媽應該更攰
全日不停排隊 四圍走
每次排隊都想盡方法傾計講故事唱歌連搶答環節都玩埋
務求每一節都可以又期待又開心咁等
除咗Babyboss
隔離仲有一間好大嘅Playhouse
好多野都啱細佬玩
小朋友最like嘅波波池
玩完緊記洗面洗手
隨身帶備抗菌噴霧 洗手液 wipes等等
最好換埋件衫
有人會提議直頭唔好玩波波池
我又覺得如果佢哋玩得開心 媽媽做好把關工作
偶爾一次未嘗不可
羲穎似乎對圖形幾有興趣 玩左好耐都未想走
有樣學樣 學爸爸同哥哥釣魚
睇見兩兄弟玩得開心
就算陪佢哋跑到腳軟都無所謂啦!
睇吓羲穎開心到呢^^
沒有留言:
張貼留言